https://www.youtube.com/watch?v=M7qEpLzjfTs&t=10s

https://www.youtube.com/watch?v=M7qEpLzjfTs&t=10s

https://www.youtube.com/watch?v=M7qEpLzjfTs&t=10s

ياقايد المسلمين ويامليك الملوك
يا اطهر انسان يمشي فوق سطح الثرا
الله وهبك التواضع والدول عظموك
ياسيدي وانت لأوطانك ديار وذرا
يا صاحب الابتسامه والحجاج الضحوك
حنا عيالك من اقصى الشرق لأم القرا
وحتى من اقصى الجنوب الين تاصل تبوك
حنا حماة الوطن لاجله نعاف الكرا
فينا ولا للوطن ماتعتريه الشكوك
نسهر ونحماه يوم الليل ثلثه سرا
الله يطولنا عمرك ويرحم ابوك
اللي حكمها غصب ماجاتله مشترا
والشعب ياسيدي فقلوبهم سكنوك
خيرك شمل كل شعبك فالمدن والقرا
كنك على قلوب شعبك مالكنلك صكوك
وكلن بحب السعودي يامليكه درا
والشعب باصدق لقب ياسيدي لقبوك
حيث انّ شعبك على مدّة يمينك ضرا
وان ذِكرو اهل الفضايل والفعول إذكروك
مع دمك الطيب في داخل عروقك جرا
وان جيت ابمدحك يوم اهل القصيد مدحوك
قمت اتهيزل جميع اللي ببالي طرا
وجات القصيده منقّح بيتها ومحبوك
إتنومس اللي كتب وإتنومس اللي قرا
نظمتها مثل نظم المسبحه فالسلوك
صارت قدم يوم هزلات القصايد ورا